English 
ធ្វើបច្ចុប្បន្នភាពលេខទូរសព័្ទ និងលេខអត្តសញ្ញាណប័ណ្ណសញ្ជាតិខ្មែរ
នាថ្ងៃទី២៩-៣០ ខែកញ្ញា ឆ្នាំ២០២២ ឯកឧត្តម ឡេង តុង ទីប្រឹក្សាអមក្រសួង និងជាប្រធាននាយកដ្ឋានពេទ្យការងារ បានដឹកនាំថ្នាក់ដឹកនាំ និងមន្រ្តីរាជការនៃនាយកដ្ឋានពេទ្យការងារ ចូលរួមកិច្ចប្រជុំគណៈកម្មាធិការសម្របសម្រួលនៃបណ្ដាញសុវត្ថិភាព និងសុខភាពការងារអាស៊ានលើកទី២៣ សន្និសីទអាស៊ានអូស្ហណេតលើកទី៩ និងពិធីផ្ដល់ពានរង្វាន់អាស៊ានលើកទី៤ ដោយមានការចូលរួមពីតំណាង ASEAN-OSHNET នៃប្រទេសដែលជាសមាជិកអាស៊ានទាំង១០ អគ្គលេខាធិការអាស៊ាន និងអគ្គលេខាធិការ ASEAN-OSHNET ប្រចាំប្រទេសថៃ រៀបចំដោយប្រទេសមីយ៉ាន់ម៉ា តាមរយៈប្រព័ន្ធអនឡាញ។
កិច្ចប្រជុំនេះ មានគោលបំណងចែករំលែកបទពិសោធន៍ ព័ត៌មាន សមិទ្ធផលសម្រេចបាន និងបញ្ហាប្រឈមនានាក្នុងការអនុវត្តការងារផ្នែកសុវត្ថិភាព និងសុខភាពការងារនៅកន្លែងធ្វើការនាពេលកន្លងមក នៅក្នុងបណ្ដាប្រទេសអាស៊ាន។
អង្គប្រជុំនេះ បានសម្រេចឯកភាពលើគម្រោងសកម្មភាពដែលបណ្ដាប្រទេសជាសមាជិកនៃ ASEAN-OSHNET កំពុងរៀបចំពាក់ព័ន្ធនឹងសុវត្ថិភាព និងសុខភាពការងារ ចំពោះប្រទេសកម្ពុជាវិញ នឹងត្រូវធ្វើជាម្ចាស់ផ្ទះក្នុងការរៀបចំសិក្ខាសាលា និងចងក្រងឯកសារស្ដីពីការអនុវត្តល្អផ្នែកសុវត្ថិភាព និងសុខភាពការងារនៅសហគ្រាសធុនតូចនិងមធ្យម និងកន្លែងធ្វើការក្នុងសេដ្ឋកិច្ចក្រៅប្រព័ន្ធនៅក្នុងបណ្ដាប្រទេសអាស៊ាន ដែលនឹងប្រព្រឹត្តទៅនៅថ្ងៃទី១៧-១៨ ខែតុលា ឆ្នាំ២០២២ នៅខេត្តសៀមរាប និងកិច្ចប្រជុំអធិការការងារផ្នែកសុវត្ថិភាព និងសុខភាពការងារនៅកន្លែងធ្វើការ ដែលនឹងប្រព្រឹត្តទៅនាថ្ងៃទី០៧ ខែធ្នូ ឆ្នាំ២០២២។
ក្នុងនោះដែរ ប្រទេសកម្ពុជាបានទទួលពានរង្វាន់អាស៊ានអូស្ហណេត (ASEAN-OSHNET Awards) ចំនួន ២សហគ្រាស រោងចក្រ គឺក្រុមហ៊ុនអូលីវអឹបភឺរៀល Olive Apparel (Cambodia) Co.,Ltd និងក្រុមហ៊ុនរោងចក្រកាត់ដេរម៉ាវែល Marvel Garment C., Ltd៕
