English 
ធ្វើបច្ចុប្បន្នភាពលេខទូរសព័្ទ និងលេខអត្តសញ្ញាណប័ណ្ណសញ្ជាតិខ្មែរ
ឯកឧត្តម ងុយ រិទ្ធ រដ្ឋលេខាធិការនៃក្រសួងការងារ និងបណ្តុះបណ្តាលវិជ្ជាជីវៈ នៅល្ងាចថ្ងៃទី១០ ខែមករា ឆ្នាំ២០២៤ បានអញ្ជើញជាអធិបតីនៅក្នុងពិធីបិទ វគ្គបណ្ដុះបណ្ដាល ស្ដីពី «ការពង្រឹងសមត្ថភាពដល់ជំនួយការថ្នាក់ដឹកនាំក្រសួងការងារ និងបណ្ដុះបណ្ដាលវិជ្ជាជីវៈ» រៀបចំដោយវិទ្យាស្ថានជាតិការងារនៃក្រសួងការងារ និងបណ្តុះបណ្តាលវិជ្ជាជីវៈ។
វគ្គបណ្ដុះបណ្ដាលនេះ ត្រូវបានសហការរៀបចំទ្បើង ក្នុងគោលបំណង ពង្រឹងសមត្ថភាពមន្ត្រីដែល កំពុងបំពេញការងារជាជំនួយការ ថ្នាក់ដឹកនាំនៃក្រសួងការងារ និង បណ្តុះបណ្តាលវិជ្ជាជីវៈ ឱ្យយល់ដឹងអំពីបែបបទរដ្ឋបាល ប្រភេទលិខិតរដ្ឋបាល និងលំហូរការងារនៅក្នុងក្រសួង ព្រមទាំងចំណេះដឹងទូទៅពាក់ព័ន្ធ និងការបំពេញតួនាទីភារកិច្ចរបស់ខ្លួនប្រចាំថ្ងៃ ឱ្យកាន់តែល្អប្រសើរ ប្រកបដោយភាពម្ចាស់ការ បុរេសកម្ម និងស្មារតីទទួលខុសត្រូវខ្ពស់ សំដៅធានាប្រសិទ្ធិភាព និងនិរន្តរភាពការងារជូនថ្នាក់ដឹកនាំរបស់ខ្លួន។
ក្នុងឱកាសបិទវគ្គបណ្តុះបណ្តាលនោះ ឯកឧត្តម ងុយ រិទ្ធ ក៏បានផ្តល់អនុសាសន៍ និងមានមតិផ្តាំផ្ញើមួយចំនួនដល់សិក្ខាកាមត្រូវយកចំណេះដឹងដែលទទួលបានពីវគ្គបណ្តុះបណ្តាលនេះទៅអនុវត្តក្នុងការងារប្រចាំថ្ងៃរបស់ខ្លួនប្រកបដោយប្រសិទ្ធភាព និងការទទួលខុសត្រូវខ្ពស់។ ជាមួយគ្នានេះ សិក្ខាកាមត្រូវយកចិត្តទុកដាក់ក្នុងការអនុវត្តកាតព្វកិច្ច តួនាទីភារកិច្ច និងវិន័យឱ្យបានត្រឹមត្រូវ និងឱ្យបានខ្ជាប់ខ្ជួន ព្រមទាំងខិតខំបំពេញការងាររួមសាមគ្គីគ្នា និងគោរពអនុវត្តបទបញ្ជាផ្ទៃក្នុងរបស់ក្រសួង ប្រកាន់នូវគោលជំហរជាជំនួយការល្អ និងមានសមត្ថភាព ដើម្បីចូលរួមបំពេញបេសកកម្មការងាររបស់ថ្នាក់ដឹកនាំរបស់ខ្លួនប្រកបដោយជោគជ័យ៕
#MLVT #HENGSour