English 
ធ្វើបច្ចុប្បន្នភាពលេខទូរសព័្ទ និងលេខអត្តសញ្ញាណប័ណ្ណសញ្ជាតិខ្មែរ
(ពោធិ៍សាត់)៖ នៅព្រឹកថ្ងៃទី៣០ ខែមិថុនា ឆ្នាំ២០២៣នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានបន្តអញ្ជើញចុះជួបសំណេះសំណាលជាមួយបងប្អូនកម្មករ និយោជិត ជិត៧ពាន់នាក់។ ពិធីសំណេះសំណាលនេះ ធ្វើឡើងនៅភូមិសារវ័ន្ត ឃុំស្នាអន្សា ស្រុកក្រគរ ខេត្តពោធិ៍សាត់។
ឯកឧត្តមបណ្ឌិត អុិត សំហេង រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ បានឱ្យដឹងថា កន្លងទៅ សម្តេចតេជោនាយករដ្ឋមន្ត្រី ធ្លាប់បានអញ្ជើញជួបសំណេះសំណាលជាមួយបងប្អូនកម្មករនិយោជិតនៅ ស្រុកក្រគរ ខេត្តពោធិ៍សាត់ នេះ ចំនួន ១ដង រួចមកហើយ កាលពីថ្ងៃពុធ ទី២០ ខែមីនា ឆ្នាំ២០១៩ ដែលមានកម្មករនិយោជិតចូលរួមចំនួន ១០ ៦៨៩នាក់ មកពីរោងចក្រ សហគ្រាស ចំនួន៨។ ថ្ងៃនេះ ជាលើកទី២ ដែល សម្ដេចតេជោនាយករដ្ឋមន្ដ្រី បានមកជួបសំណេះសំណាលជាមួយបងប្អូនកម្មករនិយោជិតសរុបចំនួន ៦ ៨៦៨នាក់ មកពីរោងចក្រ សហគ្រាស ចំនួន ១០ ក្នុងនោះ ក្រុងពោធិ៍សាត់ចំនួន ១, ស្រុកក្រគរ ចំនួន ៨ និងស្រុកបាកាន ចំនួន ១។
រោងចក្រ សហគ្រាស ចំនួន ១០ ជាប្រភេទរោងចក្រកាត់ដេរសម្លៀកបំពាក់ ចំនួន ៣ និងផលិតគ្រឿង អេឡិចត្រូនិច ចំនួន ៥, ដំឡើងរថយន្ត ចំនួន ១ និងផលិតផលកសិកម្ម ចំនួន១។ ផលិតផលរបស់រោងចក្រទាំងនេះ គឺនាំចេញទៅទីផ្សារអន្តរជាតិ ដូចជា សហគមន៍អឺរ៉ុប សហរដ្ឋអាម៉េរិក ប្រទេសចិន ប្រទេសអូស្រ្តាលី។ល។
គួរបញ្ជាក់ថា នៅខេត្តពោធិ៍សាត់ ឆ្នាំ២០២៣ មានរោងចក្រ សហគ្រាស ចំនួន ២០៩ មានកម្មករនិយោជិតប្រមាណជាង ១ម៉ឺននាក់ ដែលមានប្រាក់ឈ្នួលមធ្យមសរុបប្រមាណ ៣១លានដុល្លារអាម៉េរិកក្នុងមួយឆ្នាំ ក្នុងនោះរោងចក្រ សហគ្រាស វិស័យកាត់ដេរ ចំនួន៣ មានកម្មករនិយោជិតសរុបជាង ៦ពាន់នាក់ ដែលមានប្រាក់ឈ្នួលមធ្យមសរុបប្រមាណ ១៧លានដុល្លារអាម៉េរិកក្នុងមួយឆ្នាំ និងជាខេត្តទី១៣ ដែលមានការអភិវឌ្ឍរោងចក្រ សហគ្រាស វិស័យកាត់ដេរច្រើន រួមទាំងកម្មន្តសាល ស្ថានីយ៍ផលិតថាមពលអគ្គិសនីដោយពន្លឺព្រះអាទិត្យ វារីអគ្គិសនី ។ល។