Ministry of Labour and Vocational Training
  • English (UK) English
get
  • ទំព័រដើម
  • អំពីក្រសួង
    • សេចក្ដីសង្ខេបអំពី​ ក.ប.
      • ប្រវត្តិសង្ខេបអំពី ក.ប.
      • នីតិក្រមសង្ខេប
      • កម្រងរូបភាពរដ្ឋមន្ត្រី
    • រចនាសម្ព័ន្ធស្ថាប័ន
    • រចនាសម្ព័ន្ធនៃការគ្រប់គ្រង
  • គោលនយោបាយ និងផែនការ
  • របាយការណ៍ និងព្រឹត្តិបត្រ
    • របាយការណ៍ ស្ថិតិ
    • ព្រឹត្តិបត្រ
  • ឯកសារផ្លូវការ
    • ព្រះរាជក្រម
    • ព្រះរាជក្រឹត្យ
    • អនុក្រឹត្យ/សេចក្ដីសម្រេច
    • ប្រកាស
    • សេចក្តីប្រកាសព័ត៌មាន
    • សេចក្ដីជូនដំណឹង/សេចក្ដីណែនាំ
    • សេចក្តីសម្រេច
    • លិខិតជូនពរ
    • អនុសញ្ញាអន្តរជាតិខាងការងារ
    • កម្រងលិខិតបទដ្ឋានគតិយុត្ត
    • ផ្សេងៗ
  • កម្មវិធីជាតិកំណែទម្រង់
    • កែទម្រង់ការគ្រប់គ្រងហិរញ្ញវត្ថុសាធារណៈ
  • កម្មវិធីប្រចាំឆ្នាំ
    • សន្និសីទសេដ្ឋកិច្ចការងារ
    • ពិព័រណ៍ការងារ និងផលិតភាពជាតិ
  ធ្វើបច្ចុប្បន្នភាពលេខទូរសព័្ទ និងលេខអត្តសញ្ញាណប័ណ្ណសញ្ជាតិខ្មែរ

សេវាសាធារណៈ

បណ្ណ​/សៀវភៅការងារកម្មករនិយោជិតខ្មែរ
Link
សេវាពេទ្យការងារ
Link
បញ្ជិកាគ្រឹះស្ថាន​បណ្ដុះបណ្ដាល
Link
សេវាហត្ថពលកម្មបរទេស
Link
ស្វ័យប្រកាសអធិការកិច្ចការងារ
Link
ធ្វើការងារក្រៅប្រទេស
Link
ចង់ស្វែងរកការងារ
Link
សេវាផ្សេងៗ
Link
តាមដានសំណើសុំសេវារបស់អ្នក
Link
ប្រអប់បណ្តឹងអនាមិក
Link


ក្រសួងការងារ និងវិទ្យាស្ថានចិន GXIBVC ពង្រឹងកិច្ចសហប្រតិបត្តិការលើជំនាញឌីជីថល និង AI ដើម្បីអភិវឌ្ឍកម្លាំងពលកម្ម និងលើកកម្ពស់ផលិតភាពការងារ

 អង្គារ, 17 វិច្ឆិកា 2026 18:33  |    ផ្សព្វផ្សាយដោយ MLVT  |  97 ដង  |   បោះពុម្ព  |   Email
  • វិចិត្រសាល
ក្រសួងការងារ និងវិទ្យាស្ថានចិន GXIBVC ពង្រឹងកិច្ចសហប្រតិបត្តិការលើជំនាញឌីជីថល និង AI ដើម្បីអភិវឌ្ឍកម្លាំងពលកម្ម និងលើកកម្ពស់ផលិតភាពការងារ

(ភ្នំពេញ)៖ ឯកឧត្តម ហេង សួរ រដ្ឋមន្ត្រីក្រសួងការងារនិងបណ្តុះបណ្តាលវិជ្ជាជីវៈ បានទទួលជួបសម្តែងការគួរសម និងពិភាក្សាការងារជាមួយលោកស្រីសាស្ត្រាចារ្យ លីវ ជៀយីង (Liu Jieying) អគ្គលេខាធិការរងគណៈកម្មាធិការបក្ស និងជានាយិកាវិទ្យាស្ថានវិជ្ជាជីវៈពាណិជ្ជកម្មអន្តរជាតិក្វាងស៊ី (GXIBVC) នៅទីស្តីការក្រសួង នាព្រឹកថ្ងៃទី១៧ ខែវិច្ឆិកា ឆ្នាំ២០២៦។ ជំនួបនេះមានគោលបំណងបង្ហាញពីវឌ្ឍនភាពនៃកិច្ចសហប្រតិបត្តិការបង្កើតមជ្ឈមណ្ឌលឧត្តមភាពកម្ពុជា-ចិន ស្តីពីបញ្ញាសិប្បនិម្មិត និងឌីជីថល រវាងវិទ្យាស្ថាន GXIBVC និងវិទ្យាស្ថានជាតិពាណិជ្ជសាស្ត្រ (NIB), វឌ្ឍនភាពនៃកិច្ចសហប្រតិបត្តិការរវាងក្រុមហ៊ុន Wuhan Central និងក្រសួង, ពង្រឹងកិច្ចសហប្រតិបត្តិការទ្វេភាគីលើការអភិវឌ្ឍជំនាញវិជ្ជាជីវៈ ការធ្វើបរិវត្តកម្មឌីជីថល និង AI។

 

នាឱកាសនោះ ឯកឧត្តមរដ្ឋមន្រ្តីបានស្វាគមន៍យ៉ាងកក់ក្តៅចំពោះលោកស្រីសាស្ត្រាចារ្យ លីវ ជៀយីង និងសហការី ព្រមទាំងបានវាយតម្លៃខ្ពស់ចំពោះវឌ្ឍនភាពនៃកិច្ចសហប្រតិបត្តិការ ជាពិសេសសមិទ្ធផលរបស់មជ្ឈមណ្ឌលឧត្តមភាពកម្ពុជា-ចិន ស្តីពីបញ្ញាសិប្បនិម្មិត និងឌីជីថល ដែលមានគោលដៅក្លាយជាមជ្ឈមណ្ឌលបណ្តុះបណ្តាល និងអភិវឌ្ឍសមត្ថភាពជំនាញផ្នែកទីផ្សារ AI និងឌីជីថល និងជាវេទិកាសម្រាប់ការផ្លាស់ប្តូរចំណេះដឹងសម្រាប់លើកកម្ពស់គុណភាពនៃការបណ្តុះបណ្តាលជំនាញវិជ្ជាជីវៈឱ្យឆ្លើយតបទៅនឹងតម្រូវការទីផ្សារការងារក្នុងយុគសម័យឌីជីថល ដោយមានការគាំទ្រពីក្រុមហ៊ុន Wuhan Central។

ភាគីទាំងពីរបានលើកឡើងពីសារៈសំខាន់នៃវិស័យឌីជីថល និង AI ដែលបានក្លាយជាជំនាញមួយដែលយុវជននិងកម្លាំងពលកម្មទាំងអស់ត្រូវតែឈ្វេងយល់ ហើយចេះប្រើប្រាស់ទាំងនៅក្នុងការធ្វើពាណិជ្ជកម្ម អាជីវកម្ម ការងារក្រុមហ៊ុន សហគ្រាស និងការងារប្រចាំថ្ងៃ។ ហេតុនេះ ឯកឧត្តមក៏បានបង្ហាញពីគោលបំណងនៃការប្រែក្លាយវិទ្យាស្ថាន NIB ទៅជាមជ្ឈមណ្ឌលជាតិបណ្តុះបណ្តាល និងឧត្តមភាពផ្នែក AI តាមរយៈការអភិវឌ្ឍកម្មវិធីសិក្សាគ្រប់ជ្រុងជ្រោយ ការពង្រឹងគុណវុឌ្ឍិគ្រូបង្គោល ការវិនិយោគលើការអភិវឌ្ឍធនធានមនុស្សយូរអង្វែង និងការដាក់ឱ្យអនុវត្តស្តង់ដាជាតិសម្រាប់ការបណ្តុះបណ្តាល និងឧត្តមភាពផ្នែក AI។ 

 

ជាមួយគ្នានេះ ឯកឧត្តមរដ្ឋមន្ត្រីបានលើកទឹកចិត្តឱ្យភាគីចិនចែករំលែកបទពិសោធ និងឯកសារល្អៗ ដើម្បីបង្កើតក្តីស្រមៃ និងចាប់យកជំនាញស្របតាមទីផ្សាររបស់យុវជនកម្ពុជា ជាពិសេសឱ្យពួកគេយល់កាន់តែច្បាស់ថា "ជំនាញជាកូនសោកែប្រែអនាគត"។ ឯកឧត្តមបានប្តេជ្ញាចិត្តបន្តគាំទ្រនិងពង្រីកកិច្ចសហប្រតិបត្តិការជាមួយភាគីចិន ដើម្បីទទួលបានផ្លែផ្កាបន្ថែមទៀត ដោយជួយឱ្យកម្ពុជាសម្រេចក្តីស្រមៃមួយ គឺកម្លាំងពលកម្មចេះប្រើប្រាស់ AI ក្នុងការបង្កើនផលិតភាពការងារ។ 

 

ជាការឆ្លើយតប លោកស្រីសាស្ត្រាចារ្យ លីវ ជៀយីង បានកោតសរសើរចំពោះចក្ខុវិស័យដ៏វែងឆ្ងាយរបស់ឯកឧត្តមរដ្ឋមន្រ្តី និងបានបញ្ជាក់ពីការរួមចំណែកអភិវឌ្ឍវិទ្យាស្ថាន NIB ឱ្យមាននិរន្តរភាព។ ក្នុងន័យនេះ លោកស្រីបានប្តេជ្ញាចែករំលែកបទពិសោធ និងឯកសារល្អៗ ព្រមទាំងជំរុញឱ្យវិទ្យាស្ថាន និងក្រុមហ៊ុនបន្តពិភាក្សានិងសហការគ្នាឱ្យបានជិតស្និទ្ធ ដើម្បីពង្រឹងសមត្ថភាព និងធានានិរន្តរភាពរបស់វិទ្យាស្ថាន NIB ក្នុងការអភិវឌ្ឍធនធានមនុស្សនៅកម្ពុជា៕

 

#MLVT #HENGSour


Click to enlarge image o_1k7kkl8fv1df8pnk1ssaupb1icsv.jpeg
Click to enlarge image o_1k7kkl8fv1n381cne1bi01fvl1v1311.jpeg
Click to enlarge image o_1k7kkl8fv1pce1lct1cou1fk4fqtt.jpeg
Click to enlarge image o_1k7kkl8fv1ulkgkt16p31tlsicr12.jpeg
Click to enlarge image o_1k7kkl8fv3sqoul1c0p1ul9grhp.jpeg
Click to enlarge image o_1k7kkl8fv174jjs0uejvphu49q.jpeg
Click to enlarge image o_1k7kkl8fv95112gu4v88v04mk10.jpeg
Click to enlarge image o_1k7kkl8fvbqt19s3gkf1cts8ce13.jpeg
Click to enlarge image o_1k7kkl8fvc8a1u13qpl1ouv14gis.jpeg
Click to enlarge image o_1k7kkl8fvcas1ppe1093130r10me15.jpeg
Click to enlarge image o_1k7kkl8fvgqt67save152h15u514.jpeg
Click to enlarge image o_1k7kkl8fvlvj1681cvob5f1aopr.jpeg
Click to enlarge image o_1k7kkl8fvmg1stb1pfa1hfrfnco.jpeg
Click to enlarge image o_1k7kkl8fvvv3kfa15ng8vv1okbu.jpeg
View the embedded image gallery online at:
https://www.mlvt.gov.kh/index.php/%E1%9E%96%E1%9F%90%E1%9E%8F%E1%9F%8C%E1%9E%98%E1%9E%B6%E1%9E%93%E1%9E%90%E1%9F%92%E1%9E%98%E1%9E%B8%E1%9F%97/4-%E1%9E%96%E1%9F%90%E1%9E%8F%E1%9F%8C%E1%9E%98%E1%9E%B6%E1%9E%93%E1%9E%95%E1%9F%92%E1%9E%9F%E1%9F%81%E1%9E%84%E1%9F%97/3879.html#sigProIdb3dd3fa68f

ទំនាក់ទំនង

023 884 375

1297 / 1286

855 23 884 376

អាសយដ្ឋាន​អ៊ីមែល​នេះ​ត្រូវ​បាន​ការពារ​ពី​បណ្ដា​យន្ត​ផ្ញើ​សារ​រំខាន ។ អ្នក​ត្រូវ​ការ​បើក​ប្រើ JavaScript ដើម្បី​មើល​វា ។ 

អាសយដ្ឋាន

  អគារលេខ ៣ មហាវិថីសហព័ន្ធរុស្សី សង្កាត់ទឹកល្អក់១
        ខណ្ឌដថសទួលគោក

 

តំណភ្ជាប់

ទីភ្នាក់ងារជាតិមុខរបរ និងការងារ

បេឡាជាតិសន្តិសុខសង្គម (ប.ស.ស)

ក្រុមប្រឹក្សាជាតិប្រាក់ឈ្នួលអប្បបរមា

កម្មវិធីបណ្តុះបណ្តាលជំនាញវិជ្ជាជីវៈ និងបច្ចេកទេស ១,៥លាននាក់

TVET E-learning


Copyright © by 2012 - 2026 Ministry of Labour and Vocational Training.