ភាសាខ្មែរ 
ធ្វើបច្ចុប្បន្នភាពលេខទូរសព័្ទ និងលេខអត្តសញ្ញាណប័ណ្ណសញ្ជាតិខ្មែរ
Latest News
ឯកឧត្តមបណ្ឌិតរដ្ឋមន្ត្រី អញ្ជើញជាអធិបតីក្នុងពិធីផ្សព្វផ្សាយ ការដាក់ឱ្យប្រើប្រាស់ ផែនការមេលើកទី២ ស្តីពីសុខភាព និងសុវត្ថិភាពការងារឆ្នាំ២០១៨-២០២២
Thursday, 21 June 2018 16:46 | Written by MLVT
ឯកឧត្តមបណ្ឌិត អ៊ិត សំហេង រដ្ឋមន្រ្តីក្រសួងការងារនិងបណ្តុះបណ្តាលវិជ្ជាជីវៈ អញ្ជើញជាអធិបតី ក្នុងពិធីផ្សព្វផ្សាយការដាក់ឱ្យប្រើប្រាស់ផែនការមេលើកទី២ ស្តីពីសុខភាព និងសុវត្ថិភាពការងារឆ្នាំ២០១៨-២០២២ នារសៀល ថ្ងៃព្រហស្បតិ៍ ៩កើត ខែបឋមាសាឍ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី២១ ខែមិថុនា ឆ្នាំ២០១៨ នៅសណ្ឋាគារសាន់វ៉េភ្នំពេញ រាជធានីភ្នំពេញ។ ឯកឧត្តមបណ្ឌិត អ៊ិត សំហេង មានប្រសាសន៍ថា បន្ទាប់ពីបានអនុវត្តប្រកបដោយជោគជ័យនូវផែនការមេលើកទី១ ស្តីពីសុខភាព និងសុវត្ថិភាព ការងារ ឆ្នាំ២០០៩-២០១៣ ផែនការមេលើកទី២នេះ គឺជាសមិទ្ធផលថ្មីមួយទៀត ដែលបានរៀបចំឡើងដោយមានការសិក្សាផ្អែកលើលទ្ធផលនៃការអនុវត្តផែនការមេលើកទី១ ការពិគ្រោះយោបល់ត្រីភាគី ការចូលរួមពីភាគី និងអ្នកពាក់ព័ន្ធផ្សេងៗ រួមទាំងមន្ត្រីក្រោមឱវាទនាយកដ្ឋានពេទ្យការងារ និង អង្គការអន្តរជាតិខាងការងារ ដែលបានឯកភាព និងសម្រេចដាក់ចេញនូវសកម្មភាពជាអាទិភាព ចំនួន៦ សម្រាប់ចង្អុលបង្ហាញដល់គ្រប់ភាគីពាក់ព័ន្ធ យកទៅពង្រីកផែនការសកម្មភាព សំដៅបង្កើនប្រសិទ្ធភាពការងារនៅក្នុងវិស័យសុខភាព និងសុវត្ថិភាព ការងារឱ្យស្របតាមការវិវត្តន៍ នៃសង្គមសេដ្ឋកិច្ចសម្រាប់ កម្មករនិយោជិតនៅគ្រប់មុខវិជ្ជាជីវៈ។ ឯកឧត្តមរដ្ឋមន្ត្រីលើកឡើងថា ផែនការមេលើកទី២នេះ នឹងបំពេញតួនាទីជាផែនទីបង្ហាញផ្លូវ និងកាលានុវត្តភាព ដែលជាការប្តេជ្ញា របស់ក្រសួងការងារ និងបណ្តុះបណ្តាលវិជ្ជាជីវៈក្នុងគោលបំណង ដើម្បីបង្កើតឱ្យមាន បរិយាកាសការងារល្អប្រកបដោយសុខភាព និងសុវត្ថិភាពការងារសម្រាប់កម្មករនិយោជិតទាំងអស់ តាមរយៈការធានាឱ្យបាននូវការអនុវត្តប្រកបដោយប្រសិទ្ធភាព នូវការពិនិត្យតាមដាន និងវាយតម្លៃជាប្រចាំដើម្បីស្វែងរកមធ្យោបាយឱ្យកាន់តែប្រសើរឡើងបន្ថែមទៀត ក្នុងការអនុវត្តប្រកបដោយជោគជ័យនូវគោលបំណងអាទិភាពចំនួន ៦ចំណុច រួមមាន៖ - គោលបំណងទី១៖ ពង្រឹងប្រព័ន្ធសុខភាព និងសុវត្ថិភាពការងារជាតិ - គោលបំណងទី២៖ ពង្រឹងការងារអធិការកិច្ច និងការអនុវត្តបទដ្ឋានសុខភាព និងសុវត្ថិភាព ការងារ - គោលបំណងទី៣៖ ជំរុញអង្គការនិយោជក និងអង្គការកម្មករនិយោជិតចូលរួមសកម្មភាព សុខភាព និងសុវត្ថិភាពការងារ - គោលបំណងទី៤៖ រៀបចំ និងអនុវត្តកម្មវិធីពិសេសសម្រាប់មុខរបរគ្រោះថ្នាក់ - គោលបំណងទី៥៖ ជំរុញឱ្យមានការការពារផ្នែកសុខភាព និងសុវត្ថិភាពការងារ ដល់ សហគ្រាស ខ្នាតតូច និងមធ្យម និងកន្លែងធ្វើការនៅតាមជនបទ និងវិស័យសេដ្ឋកិច្ច ក្រៅប្រព័ន្ធ - គោលបំណងទី៦៖ គាំទ្រ និងជំរុញកិច្ចសហការផ្នែកសុខភាព និងសុវត្ថិភាពការងារលើ ការងារកុមារ ការប្រយុទ្ធប្រឆាំងគ្រឿងញៀន ជំងឺឆ្លង និងជំងឺមិនឆ្លងនៅតាមសហគ្រាស គ្រឹះស្ថាន លើសពីនេះទៅទៀត រាជរដ្ឋាភិបាល បានយកចិត្តទុកដាក់ផ្តល់សេវាសុខភាពដោយឥតគិត ថ្លៃ ជូនកម្មករនិយោជិត តាមរោងចក្រ សហគ្រាស និងតាមតំបន់ផ្ទះជួលរបស់កម្មករនិយោជិត។ កម្មវិធី ពិនិត្យ និងព្យាបាលជំងឺ របស់ក្រុមគ្រូពេទ្យស្ម័គ្រចិត្តរបស់ សម្តេចតេជោនាយករដ្ឋមន្រ្តី និងក្រុមគ្រួសារ រួមនឹងសប្បុរសជននានា និងក្រសួងសុខាភិបាល បានចុះពិនិត្យនិងព្យាបាលផ្ទាល់ជូនបង ប្អូនកម្មករ និយោជិតជាបន្តបន្ទាប់។ តាមរយៈផែនការមេលើកទី២ ស្តីពីសុខភាព និងសុវត្ថិភាពការងារឆ្នាំ២០១៨-២០២២ ក្រសួង នឹងបន្តពង្រឹងកិច្ចសហប្រតិបត្តិការជាមួយគ្រប់ភាគីពាក់ព័ន្ធ ដៃគូជាតិ និងអន្តរជាតិទាំងអស់ ដើម្បី អនុវត្តផែនការមេលើកទី២នេះឱ្យទទួលបានជោគជ័យ សំដៅពង្រឹងប្រព័ន្ធគ្រប់គ្រងសុខភាព និង សុវត្ថិភាពការងារថ្នាក់ជាតិ ថ្នាក់ខេត្ត និងថ្នាក់សហគ្រាស គ្រឹះស្ថានឱ្យកាន់តែមានប្រសិទ្ធភាព។ ជាមួយគ្នានេះដែរ ឯកឧត្តមរដ្ឋមន្ត្រី អរគុណដល់ក្រសួងស្ថាប័ន អង្គការនិយោជក អង្គការកម្មករនិយោជិត និងអង្គការដៃគូពាក់ព័ន្ធដែលបានចូលរួមក្នុងការផ្តល់យោបល់ និងធាតុចូល ជាពិសេសអង្គការអន្តរជាតិខាងការងារជប៉ុនដែលបានគាំទ្រទាំងថវិកា និងបច្ចេកទេសដើម្បីឱ្យផែនការមេលើកទី២ស្តីពីសុខភាព និងសុវត្ថិភាពការងារឆ្នាំ២០១៨-២០២២លេចជារូបរាងឡើង។ ឯកឧត្តមសង្ឈឹមយ៉ាងមុតមាំថា ផែនការមេលើកទី២នេះ នឹងត្រូវបានយកទៅប្រើប្រាស់យ៉ាងទូលំ ទូលាយ និងបង្កភាពងាយស្រួលដល់ភាគីពាក់ព័ន្ធ គ្រប់លំដាប់ថ្នាក់សម្រាប់យកទៅកសាងផែនការ សកម្មភាពលម្អិតក្នុងការលើកកម្ពស់ និងកែលំអប្រព័ន្ធគ្រប់គ្រងសុខភាព និងសុវត្ថិភាពការងារឱ្យកាន់ តែមានប្រសិទ្ធភាពខ្ពស់ ដើម្បីធានាថាកន្លែងធ្វើការ នឹងរក្សាបាននូវបរិយាកាសការងារល្អដែល មានសុខភាព និងសុវត្ថិភាព និងកំណើនផលិតភាពឈានទៅកសាងវប្បធម៌សុខភាព និងសុវត្ថិភាព ការងារនៅកន្លែងធ្វើការនាពេលអនាគត។...
ឯកឧត្តមបណ្ឌិតរដ្ឋមន្ត្រី អនុញ្ញាតឲ្យលោកជំទាវ Chen Xu ប្រធានក្រុមប្រឹក្សាភិបាល នៃសកលវិទ្យាល័យTsinghua ចូលជួបសម្តែងការគួរសម
Thursday, 21 June 2018 12:59
ឯកឧត្តម អ៊ិត សំហេង រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ បានអនុញ្ញាតឲ្យលោកជំទាវ Chen Xu ប្រធានក្រុមប្រឹក្សាភិបាលនៃសកលវិទ្យា ល័យ Tsinghua រ...
សម្តេចតេជោ ហ៊ុន សែន អញ្ជើញជួបសំណេះសំណាលជាមួយកូនក្មួយកម្មករជាង១ម៉ឺននាក់នៅខេត្តតាកែវ
Wednesday, 20 June 2018 14:02
នៅព្រឹកថ្ងៃពុធ ៨កើត ខែបឋមាសាឍ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី២០ ខែមិថុនា ឆ្នាំ២០១៨នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្...
សេចក្ដីជូនដំណឹង ស្ដីពីលទ្ធផលជំនួបពិភាក្សាការងារជាមួយឯកឧត្តមឧត្តមសេនីយ៍ Po. Gen. ADUL SANGSINGKEO រដ្ឋមន្ត្រីក្រសួងការងារថៃ
Monday, 18 June 2018 19:25 | Written by MLVT
សារលិខិតថ្វាយព្រះពរ សម្ដេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្ដីថ្លៃថ្នូរ និងសុភមង្គល
Monday, 18 June 2018 09:36 | Written by MLVT
នៅកម្ពុជាបច្ចុប្បន្នមានការងារ ១០ប្រភេទ ដែលថៅកែពិបាករកកម្លាំងពលកម្ម
Saturday, 16 June 2018 16:24
(ភ្នំពេញ)៖ ថ្លែងក្នុងពិធីបិទទិវាជាតិការអប់រំបណ្តុះបណ្តាលបច្ចេកទេស និងវិជ្ជាជីវៈ ( National TVET Day) លើកទី១ ឯកឧត្តមបណ្ដិត អ៊ិត សំហេង រដ្ឋមន្រ្តីក្រសួង...
ជំនាញបច្ចេកទេសវិជ្ជាជីវៈ នៅតែមានតម្រូវការខ្ពស់ក្នុងទីផ្សារការងារ ហើយទិវាជាតិ អប់រំបណ្តុះបណ្តាលបច្ចេកទេស និងវិជ្ជាជីវ ( National TVET Day) នឹងបំភ្លឺប្រាប់មហាជនកាន់តែច្បាស់ពីតម្រូវការនេះ
Friday, 15 June 2018 14:04
(ភ្នំពេញ)៖ ក្នុងពិធីបើកទិវាជាតិអប់រំបណ្តុះបណ្តាលបច្ចេកទេស និងវិជ្ជាជីវៈ ( National TVET Day) ឯកឧត្តម ពេជ សោភ័ន រដ្ឋលេខាធិការ ក្រសួងការងារ និងបណ្តុះបណ្...
បញ្ជីទីភ្នាក់ងារជ្រើសរើសឯកជន
ទីភ្នាក់ងារជ្រើសរើសឯកជនទៅធ្វើការនៅប្រទេសអារ៉ាប់ប៊ីសាអូឌីត
Written on Wednesday, 25 February 2026 08:20
ទីភ្នាក់ងារជ្រើសរើសឯកជនទៅធ្វើការនៅតំបន់រដ្ឋបាលពិសេសហុងកុង
Written on Thursday, 26 February 2026 08:20