ភាសាខ្មែរ 
ធ្វើបច្ចុប្បន្នភាពលេខទូរសព័្ទ និងលេខអត្តសញ្ញាណប័ណ្ណសញ្ជាតិខ្មែរ
ទីស្ដីការក្រសួង៖ កម្ពុជានឹងត្រៀមរៀបចំពិធីអបអរសាទរខួប ១០០ឆ្នាំ នៃការបង្កើតអង្គការ ILO និងខួប ៥០ ឆ្នាំ នៃការចូលជាសមាជិក អង្គការ ILO របស់កម្ពុជា តើសមិទ្ធិផលអ្វីខ្លះដែលជាកិច្ចសហប្រតិបត្តិការដ៏ល្អរវាងកម្ពុជា និងអង្គការ ILO សម្រេចបាន។
នេះជាប្រសាសន៍លើកឡើងរបស់ ឯកឧត្តមបណ្ឌិត អ៊ិត សំហេង រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ ក្នុងកិច្ចប្រជុំត្រីភាគីថ្នាក់ជាតិរបស់គណៈកម្មការជាតិត្រួតពិនិត្យការអនុវត្តអនុសញ្ញាអន្តរជាតិខាងការងារ ដែលកម្ពុជាបានផ្តល់សច្ចាប័ន ដើម្បីពិភាក្សាការងារស្តីពីវឌ្ឍនភាព នៃការអនុវត្តអនុសញ្ញា និងអនុសាសន៍របស់អង្គការអន្តរជាតិខាងការងារ នាថ្ងៃទី២១ ខែធ្នូ ឆ្នាំ២០១៨ នៅទីស្តីការក្រសួង ដោយមានការចូលរួមពីសមាគមនិយោជក តំណាងសហជីព តំណាងក្រសួងមហាផ្ទៃ ទីស្តីការគណៈរដ្ឋមន្ត្រី ក្រសួងយុត្តិធម៌ អគ្គស្នងការដ្ឋាននគរបាលជាតិ ក្រសួងការបរទេស និងសហប្រតិបត្តិការអន្តរជាតិ និងថ្នាក់ដឹកនាំ និងមន្ត្រីជំនាញ នៃក្រសួងការងារ និងបណ្តុះបណ្តាលវិជ្ជាជីវៈ។
កិច្ចប្រជុំបានពិភាក្សាអំពីវឌ្ឍនភាពការងារនាពេលកន្លងមក ពាក់ព័ន្ធនឹងការអនុវត្តសេរីភាពអង្គការវិជ្ជាជីវៈ នៅកម្ពុជា និងដោះស្រាយបញ្ហាប្រឈមនានា ដែលនៅសេសសល់នៅក្នុងអនុសាសន៍នៃរបាយការណ៍បេសកកម្មដោយផ្ទាល់ (DCM) របស់អង្គការ ILO នៅកម្ពុជា។ ជាលទ្ធផលកិច្ចប្រជុំបានសម្រេចដាក់ចេញនូវ ផែនការជាជំហានបន្តបន្ទាប់ទៀត ក្នុងការរកដំណោះស្រាយបញ្ហាលើករណីចោទប្រកាន់មេដឹកនាំសហជីព និងការពង្រឹងយន្តការក្នុងការចូលរួមសហការពីគ្រប់ភាគីពាក់ព័ន្ធ ដើម្បីធានាថាការអនុវត្ត សិទ្ធិសេរីភាពអង្គការវិជ្ជាជីវៈ ស្របទៅតាមបទដ្ឋានអន្តរជាតិ និងច្បាប់ជាតិជាធរមាន។
ជាកិច្ចបញ្ចប់ ឯកឧត្តមរដ្ឋមន្ត្រី ប្រធានអង្គប្រជុំ បានផ្តល់នូវអនុសាសន៍សំខាន់ៗ ជូនសមាជិកគណៈកម្មការជាតិ ក្នុងការការធានាការអនុវត្តសេរីភាពអង្គការវិជ្ជាជីវៈ ដោយស្នើសុំក្រសួងស្ថាប័នពាក់ព័ន្ធ ដើម្បីជំរុញការដោះស្រាយបញ្ហាប្រឈមនានាដែលនៅសេសសល់ ឱ្យបានឆាប់រហ័ស ស្របទៅអនុរសញ្ញា និងតាមបទប្បញ្ញត្តិ នៃព្រះរាជាណាចក្រកម្ពុជា៕
