ធ្វើបច្ចុប្បន្នភាពលេខទូរសព័្ទ និងលេខអត្តសញ្ញាណប័ណ្ណសញ្ជាតិខ្មែរ

ព័ត៌មានច្បាស់លាស់ ត្រឹមត្រូវអំពីវិស័យការងារ សន្តិសុខសង្គម

របៀប Upload បញ្ជីឈ្មោះបច្ចុប្បន្នភាពរបស់កម្មករនិយោជិត

កិច្ចពិភាក្សាអំពីលទ្ធភាពនៃកិច្ចសហប្រតិបត្តិការ លើវិស័យអប់រំបណ្តុះបណ្តាលបច្ចេកទេសនៅកម្ពុជា

 អង្គារ, 16 មករា 2018 11:32  |    Written by MLVT  |  3841 times  |   Print  |   Email

នៅព្រឹកថ្ងៃអង្គារ៍ ១៥រោច ខែបុស្ស នព្វស័ក ព.ស ២៥៦១ ត្រូវនឹងថ្ងៃទី១៦ ខែមករា ឆ្នាំ២០១៨ ឯកឧត្តមបណ្ឌិត អ៉ិត សំហេង រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈបានទទួលជួបគណៈប្រតិភូចិន ដឹកនាំដោយលោក Jiang Hao ប្រធានក្រុមហ៊ុន Join capital Investment & Management co.,Ltd; ដើម្បីពិភាក្សាអំពីលទ្ធភាពនៃកិច្ចសហប្រតិបត្តិការលើវិស័យអប់រំបណ្តុះបណ្តាលបច្ចេកទេសនៅកម្ពុជា នាទីស្តីការក្រសួង។

ក្នុងជំនួបទ្វេភាគីនោះ គណៈប្រតិភូចិនបានវាយតម្លៃខ្ពស់ចំពោះកិច្ចសហប្រតិបត្តិការកម្ពុជា-ចិន កន្លងមកលើគ្រប់ជ្រុងជ្រោយ ពិសេសកម្ពុជា-ចិន គឺជាបងប្អូនដ៏ល្អ ដែលតែងតែជួយគ្នាទៅវិញទៅមកទាំងលើឆាកជាតិនិងអន្តរជាតិ។ ប្រធានគណៈប្រតិភូលើកឡើងថាកម្ពុជាគឺជាប្រទេសកំពុងអភិវឌ្ឍយ៉ាងខ្លាំងលើគ្រប់វិស័យ ហើយដំណាក់កាលនេះដូចជាប្រទេសចិន ដែលទើបនឹងចាប់ផ្តើមអភិវឌ្ឍដំបូងដូច្នេះដែរ។ជាមួយគ្នានេះដែរដំណាក់នេះ គឺការអភិវឌ្ឍធនធានមនុស្សគឺជាដំណាក់កាលដ៏សំខាន់ពិសេសធនធានមនុស្សលើវិស័យបច្ចេកទេសតែម្តង។ ភាគីចិនចង់បង្កើតឲ្យមានគម្រោងបណ្តុះបណ្តាលតាមប្រព័ន្ធ អនឡាញ (Online) ដល់កម្ពុជាព្រោះជំនាញនេះបានរួមចំណែកយ៉ាងខ្លាំងដល់ការអភិវឌ្ឍវិស័យសេដ្ឋកិច្ចប្រទេសចិនឲ្យកាន់តែរីកចម្រើនមកដល់បច្ចុប្បន្ន។ដូច្នេះ បើគម្រោងនេះបង្កើតនៅកម្ពុជា នោះវានឹងមិនត្រឹមតែបានរួមចំណែកដល់ការអភិវឌ្ឍធនធានមនុស្សលើផ្នែកនោះប៉ុណ្ណោះទេ តែវានឹងជួយជំរុញដល់ការអភិវឌ្ឍសេដ្ឋកិច្ចកម្ពុជាផងដែរ។ចំពោះការបណ្តុះបណ្តាលតាមប្រព័ន្ធនេះ គណៈប្រតិភូបញ្ជាក់ថា ខ្លួនមានទាំងក្រុមបច្ចេកទេស និងថវិកាដើម្បីជំរុញ និងគាំទ្រឲ្យគម្រោងនេះទទួលបានជោគជ័យ។

ឯកឧត្តមបណ្ឌិតរដ្ឋមន្ត្រីបានស្វាគមន៍ចំពោះការវាយតម្លៃខ្ពស់ប្រកបដោយភាពវិជ្ជមានរបស់គណៈប្រតិភូចិន ដែលបានចាត់ទុកកម្ពុជាជាមិត្តដ៏ល្អ និងដៃគូអភិវឌ្ឍដែលមិនអាចខ្វះគ្នាបាន។ឯកឧត្តមបណ្ឌិតរដ្ឋមន្ត្រីបានជម្រាបជូនគណៈប្រតិភូថា វត្តមានរបស់នាយករដ្ឋមន្ត្រីចិន ឯកឧត្តម លី ឃឺឈាង ក្នុងកិច្ចប្រជុំមេកុងឡានឆាង និងដំណើរទស្សនកិច្ចនៅកម្ពុជារបស់ឯកឧត្តម ពិតជាបាននាំមកនូវកិច្ចសហប្រតិបត្តិកាន់តែល្អបន្ថែមទៀត។

ឯកឧត្តម បណ្ឌិតរដ្ឋមន្ត្រីបន្ថែមទៀតថាកម្ពុជាសូមស្វាគមន៍ចំពោះភាគីចិន ដែលមានគម្រោងអភិវឌ្ឍធនធានមនុស្សលើវិស័យបច្ចេកទេស ពិសេសចង់បង្កើតគម្រោងបណ្តុះបណ្តាលបច្ចេកវិទ្យាតាមប្រព័ន្ធអនឡាញ(Online) ព្រោះបច្ចេកវិទ្យានេះកំពុងមានការពេញនិយមចំពោះមនុស្សទូទៅលើសកលលោក។ឯកឧត្តមមានជំនឿថា ក្រោយគម្រោងនេះលេចជារូបរាងឡើង នឹងមានការគាំទ្រពីប្រជាជនកម្ពុជាក្នុងការសិក្សាលើមុខវិជ្ជាអនឡាញនេះ។

ឯកឧត្តមបណ្ឌិតរដ្ឋមន្ត្រី បានសំណូមពរដល់គណៈប្រតិភូដែលមានបំណងបង្កើតគម្រោងបច្ចេកទេសអនឡាញនៅកម្ពុជានេះ សូមបកប្រែជាភាសារខ្មែរចិនចំពោះឯកសារមេរៀនទាំងឡាយ ដើម្បីងាយស្រួលដល់អ្នកសិក្សាស្រាវជ្រាវ ព្រោះបច្ចុប្បន្នកម្មវិធីនេះមានតែជាភាសាចិន និងភាសាអង់គ្លេសប៉ុណ្ណោះ។ជាមួយគ្នានេះឯកឧត្តមបណ្ឌិតរដ្ឋមន្ត្រី សន្យានិងផ្តល់ការគាំទ្រចំពោះគម្រោងនេះឲ្យទទួលបានជោគជ័យ ពិសេសទៅទៀតនិងជម្រុញឲ្យចេញជាវិញ្ញាបនបត្រ ឬឈានទៅដល់បរិញ្ញាបត្រ ដល់អ្នកសិក្សាផងដែរ៕

 

ឯកសារផ្លូវការ