ឯកឧត្តមរដ្ឋមន្រ្តី បានថ្លែងអំណរគុណយ៉ាងជ្រាលជ្រៅចំពោះទឹកចិត្ត លោកស្រី គីម ហានីល អគ្គនាយិកាក្រុមហ៊ុន គីម ហានីល (ខេមបូឌា) ឯ.ក, ក្រុមហ៊ុន N.Y Store, ក្រុមហ៊ុន Meiling Collection និងលោកស្រី អ៊ន ភារី និងស្វាមី ដែលផ្តល់អំណោយមកក្រសួង ក្នុងស្មារតី «ខ្មែរស្រឡាញ់ខ្មែរ ខ្មែរជួយខ្មែរ ខ្មែរតែមួយ» សម្រាប់យកទៅផ្តល់ជូនវីរកងទ័ព និងជនភៀសសឹក ដែលកំពុងឈរជើងប្រយុទ្ធតស៊ូប្តូរផ្តាច់ការពារទឹកដីពីសង្គ្រាមឈ្លានពានរបស់សត្រូវ។ 

ទឹកចិត្តគោរពស្រឡាញ់ដឹងគុណចំពោះវីរកងទ័ព ដែលបានលះបង់អាយុជីវិត ប្តូរផ្តាច់ការពារជាតិមាតុភូមិ យើងប្តេជ្ញារួមគ្នាជាធ្លុងមួយ ក្នុងការជួយទ្រទ្រង់ដល់សមរភូមិមុខ និងជាការបង្ហាញកម្លាំងចលករមួយ ដ៏សំខាន់សម្រាប់ការប្រយុទ្ធតតាំងប្រឆាំងនឹងសង្គ្រាមឈ្លានពានទឹកដីកម្ពុជាពីសំណាក់យោធាថៃ និងជួយដោះស្រាយការលំបាករបស់ប្រជាពលរដ្ឋភៀសសឹក។ 

អំណោយរបស់ លោកស្រី គីម ហានីល អគ្គនាយិកាក្រុមហ៊ុន គីម ហានីល (ខេមបូឌា) ឯ.ក មាន៖ ស្តេចយិនសិនគ្រាប់សូនមាស ចំនួន ៣០ប្រអប់ ផលិតផលជំនួយសុខភាព (ខាល់ម៉ាអាឌី+A) ចំនួន ៦៥ប្រអប់ កៅអៀកយិនសិនចំនួន ៦០០កញ្ចប់ ថ្នាំរិតចុករោយ ចំនួន ១០០ដប ត្រីងៀតឆ្អិន (អ៊ុតជាថង់) ចំនួន ១៤០គ.ក និងកន្សែងពោះគោ ចំនួន ១០០កន្សែង។

អំណោយរបស់ ក្រុមហ៊ុន N.Y Store មាន៖ ផលិតផលជំនួយសុខភាព (ខាល់ម៉ាអាឌី+A)ចំនួន ៦០ប្រអប់ ត្រីងៀត ចំនួន ៤០គ.ក និងទឹកសុទ្ធ (ចំណុះ៥០០មល) ចំនួន ៥០កេស។

អំណោយរបស់ ក្រុមហ៊ុន Meiling Collection មាន៖ ផលិតផលជំនួយសុខភាព (ខាល់ម៉ាអាឌី+A) ចំនួន ៣០ប្រអប់ ត្រីងៀត ចំនួន ៤០គ.ក និងទឹកសុទ្ធ (ចំណុះ៥០០មល) ចំនួន ៥០កេស។

អំណោយរបស់ លោកស្រី អ៊ន ភារី និងស្វាមី មាន៖ ផលិតផលជំនួយសុខភាព (ខាល់ម៉ាអាឌី+A) ចំនួន ១កេស យិនសិនចំហុយ ចំនួន ៤កេស អង្ករ ចំនួន ១បេ និងទឹកសុទ្ធ (ចំណុះ៥០០មល) ចំនួន ១០កេស៕

#MLVT #HENGSour