នាព្រឹកថ្ងៃទី២៨ ខែសីហា ឆ្នាំ២០១៦ ឯកឧត្តមបណ្ឌិត ពេជ សោភ័ន រដ្ឋលេខាធិការក្រសួងការងារ និងបណ្តុះបណ្តាលវិជ្ជាជីវៈ អញ្ជើញជាអធិបតីបើក វេទិកាពិភាក្សាដោយជំហររវាងអ្នកជំនាញវិជ្ជាជីវៈធនធានមនុស្ស និងគណៈគ្រប់គ្រងក្រុមហ៊ុន នៅមជ្ឈមណ្ឌលសហប្រតិបត្តិការកម្ពុជា-ជប៉ុន(CJCC) ក្នុងបរិវេណសាកលវិទ្យាល័យភូមិន្ទភ្នំពេញ ។ វេទិកានេះត្រូវបានរៀបចំឡើងក្នុងគោលបំណងផ្តល់នូវឱកាសសម្រាប់អ្នកចូលរួមដែលជាអគ្គនាយកក្រុមហ៊ុន (CEO) និងអ្នកជំនាញវិជ្ជាជីវៈធនធានមនុស្ស (HR Professionals) ដើម្បីទទួលបាននូវចំណេះដឹង និងបទពិសោធន៍ដែលទាក់ទងទៅនឹងបញ្ហាប្រឈមរវាងអគ្គនាយកក្រុមហ៊ុន និងអ្នកជំនាញវិជ្ជាជីវៈ ៕