(ភ្នំពេញ)៖ ឯកឧត្តមបណ្ឌិត អុិត សំហេង រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ ព្រមទាំងថ្នាក់ដឹកនាំ និងមន្ត្រីរាជការនៃក្រសួងការងារ និងបណ្តុះបណ្តាលវិជ្ជាជីវៈនាព្រឹកថ្ងៃទី២៦ ខែកញ្ញា ឆ្នាំ២០១៩នេះ បានអញ្ជើញក្នុងពិធីរាប់បាត្រ កាន់បិណ្ឌ ក្នុងថ្ងៃកាន់បិណ្ឌទី១៣ នៅវត្តលង្កា ស្ថិតក្នុងសង្កាត់បឹងកេងកង១ ខណ្ឌបឹងកេងកង រាជធានីភ្នំពេញ។
ក្នុងឱកាសនោះ ឯកឧត្តមរដ្ឋមន្រ្តី ក៏បាននាំយកនូវទេយ្យវត្ថុ និងបច្ច័យដែលបានមកពីការចូលរួមពីថ្នាក់ដឹកនាំ និងមន្រ្តីរាជការគ្រប់លំដាប់ថ្នាក់ និងពីក្រុមគ្រួសារឯកឧត្តមផ្ទាល់ ប្រគេនដល់សម្ដេចព្រះចៅអធិការ វត្តលង្កាព្រះកុសុមារាម ដែលមានបច្ច័យចំនួន ១២ លានរៀល រួមនឹងក្រុមការងារខណ្ឌបឹងកេងកង និងសង្កាត់បឹងកេងកង១ បច្ច័យចំនួន ១៤លាន ២សែនរៀល សរុបបច្ច័យទាំងអស់ចំនួន ២៦លាន ២សែនរៀល។
ឯកឧត្តមរដ្ឋមន្រ្តី បានឧទ្ទិសនូវមគ្គផលកុសលផលបុណ្យដែលបានរួបរួមគ្នាកសាងនៅថ្ងៃនេះ ជូនចំពោះបុព្វការីជន វីរៈជន និងញាតិការទាំងអស់ ដែលបានចែកឋានទៅកាន់លោកខាងមុខ សូមបានទទួលនូវមគ្គផលកុសលផលបុណ្យនេះ និងបួងសួងសូមដល់ដួងវិញ្ញក្ខន្តអស់លោកទាំងអស់បានឈោងឆាប់កំណេីតទៅកាន់ទីឋានបរមសុខ ហេីយបែរក្រោយអោយពរជ័យដល់យេីងខ្ញុំទាំងអស់ទទួលបាននូវពរជ័យទាំង៥ប្រការកុំបីឃ្លៀងឃ្លាតឡេីយ៕